Shqipëria arriti një fitore historike ndaj Ukrainës me rezultatin 1-2 në Pragë. Trajneri i Kombëtares shqiptare, Sylvinho vlerësoi punën e bërë nga kuqezinjtë, ndërsa tha se në fushë futen gjithnjë për të marrë fitoren. Trajneri i kuqezinjve tha se kanë bërë shumë punë për të arritur deri këtu.
“Asnjë trajner nuk e nis një ndeshje për të barazuar apo humbur. Kemi luajtur edhe ndeshje me ekipe të forta si Spanja. Jemi futur gjithmonë në fushë, për të marrë rezultatin më të mirë të mundshëm. Kemi punuar shumë, ne dhe gjithë stafi për të arritur në këtë pikë ku jemi sot.”, tha Sylvinho. Një vlerësim kishte për Nedim Bajramin, për të cilin thotë se është një talent.
“Jemi shumë të kënaqur me performancën e Bajramit, mund të luajë në shumë role. Është përmirësuar në lojën pa top. Mund t’i bëjë gjitha gjërat. Është një talent. Jemi shumë të kënaqur”, vijoi Sylvinho./K.C/dritare.net
