Mbrëmë(e premte), ka nisur rrugëtimi i Kosovës në edicionin e ri të Ligës së Kombeve.
“Dardanët” janë mposhtur nga Rumania me rezultat 3-0 në stadiumin “Fadil Vokrri.
Për ndeshjen e zhvilluar mes Kosovës dhe Rumanisë, ka shkruar sot kryeministri i vendit, Albin Kurti.
Përmes, një postimi në profilin e tij në rrjetin social Facebook, Kurti ka shkruar se ekipi i Kosovës mbrëmë pati një mbrëmje të vështirë
.Sipas tij, i njëjti grup i lojtarëve na kanë ngritur aq shpesh në këmbë duke përjetuar ndjenja gëzimi me golat e tyre.
Postimi i tij i plotë:
Ekipi ynë pati një mbrëmje të vështirë. Nuk ishte fillimi që e dëshiruam, por megjithatë është vetëm fillimi.
I njëjti grup i lojtarëve na kanë ngritur aq shpesh në këmbë duke përjetuar ndjenja gëzimi me golat e tyre. Tani është radha që ne t’i ngrisim ata në këmbë me mbështetjen tonë.
Unë jam i bindur në dëshirën, motivin edhe në aftësitë e tyre. Sfidat tejkalohen më lehtë bashkë.
Forca Kosovë!
https://kosovapress.com/%e2%80%8bnis-keq-rrugetimi-i-kosoves-ne-ligen-e-kombeve
