Juventus duket se e ka shumë seriozisht për transferimin e Edon Zhegrovës në merkaton e verës. Mediat në Itali raportojnë se në orët e fundit ka pasur dhe kontakte me klubin e Lille, skuadër ku aktivizohet mesfushori i Kosovës.
Transferimi i Zhegrovës te Juventusi duket se do të jetë një ndër misionet e para këtë verë për drejtorin sportiv, Giuntoli. Kjo lëvizje mund të konkretizohet për shifrën e 15 milionë eurove, aq sa është dhe kërkesa e klubit francez.
