“Presionin duhet ta menaxhojmë, nevojitet qetësi”. Me këtë fjali ka nisur intervistën e tij Luciano Spalletti i cili me Napolin e tij nuk ka surprizuar vetëm Italinë ku po kryeson kampionatin, por të gjithë Europën.
Tekniku i Napolit foli për situatën ku gjendet skuadra e tij si dhe ambiciet që ka. “Ka ende shumë punë për t’u bërë. Ka shumë ndeshje për të luajtur dhe nuk duhet të humbasim përqëndrimin. Megjithatë, më pëlqen fakti që skuadra është kaq e përqëndruar dhe me dëshirë për të luajtur”.
Më pas Spalletti zbuloi edhe një detaj nga dhomat e zhveshjes, ku tashmë lojtarët kanë nisur një “ritual” me statujën e legjendës Diego Armando Maradona.
“Në dhomat e zhveshjes ka një statujë të Maradonës ku shumë lojtarë shkojnë dhe e prekin. Edhe unë gjithashtu pasi dua të sjellë cilësitë e tij në fushën e lojës dhe te skuadra jonë. Ai ishte një prej atyre që fitoi shumë përmes lojës së bukur, kualitetit dhe të gjitha gjërave që i pëlqejnë tifozëve.
