Kupa e Botës ka kaluar në fazën çerekfinale. Kroacia do të përballet me favoritin e madh para fillimit të Botërorit, Brazilin në ndeshjen e parë të çerekfinaleve të premten.
Holanda ka qenë mbresëlënëse në ecurinë e saj në 1/8-at, por ka një detyrë të vështirë për të mposhtur Argjentinën. Maroku do të kërkojë të shtangë një tjetër gjigant si Portugalisë. Ndërkohë që kampionët në fuqi të botës, Franca, do të përballet kundër Anglisë.
Por si do të shkojë pjesa tjetër e Kupës së Botës? Jamie Carragher ka dhënë parashikimet e tij për pjesën e mbetur të turneut. Shikoni më poshtë…
Çerekfinalet
Kroaci-Brazil: “Zgjedh Brazilin. Ata duken si një nga skuadrat më të mira në turne. Të preferuarat e shumë njerëzve dhe mendoj se do t’ia dalin”, ka thënë legjenda e Liverpool-it.
Holandë-Argjentinë: “Janë dy kombëtare të barabarta. Por unë do të shkoj me Argjentinën. Faktori Lionel Messi do të jetë vendimtar”, ka thënë Carragher.
Marok-Portugali: “Unë besoj se Portugalia do ta fitojë këtë përballje. Ata kanë shumë klas, ishin të jashtëzakonshëm në ndeshjen e fundit kundër Zvicrës. Ata do të dalin në krye dhe do të jenë në gjysmëfinale”.
Angli-Francë: “Vështirë… fiton zemra apo koka. Unë zgjedh Francën. Unë mendoj se ata thjesht kanë avantazhin ndaj Anglisë. Mendoj se i takon Kylian Mbappe. Pa Mbappe, Anglia do të ishte favorit i madh”.
Gjysmëfinalet
Brazil-Argjentinë: “Unë thashë para kompeticionit se Argjentina do të fitonte, por duke parë ndeshjet dhe skuadrat, mendoj se Brazili do të fitojë në gjysmëfinale”.
Portugali-Francë: “Po zgjedh Francën për shkak të faktorit Mbappe. Ai është lojtari më i mirë në turne – lojtari më i mirë në botë për momentin”.
Finalja
Brazil-Francë: “Unë mendoj se Brazili mund t’ia dalë”.
Kështu, Carragher beson se Brazili do të triumfojë në Katar. Seleçao kanë qenë mbresëlënëse në turne deri më tani dhe është përforcuar nga rikthimi i Neymar, i cili u detyrua të humbasë dy nga ndeshjet e tyre në grup për shkak të një dëmtimi në kyçin e këmbës.
Carragher parashikon që ata të eliminojnë Kroacinë, Argjentinën e Lionel Messit dhe Francën në rrugën e tyre drejt triumfit të gjashtë të Kupës së Botës.
Carragher nuk beson se Anglia t’i japë fund thatësirës së saj 56-vjeçare të trofeut. Legjenda e Liverpool mendon se skuadra e Gareth Southgate do të mposhtet nga Franca në përballjen e tyre çerekfinale.
