Arsenali ka shënuar fitore të thellë në takimin e javës së 14-t në Premierligë kundër Nottingham Forestit.
“Topçinjtë” triumfuan 5:0 ndaj Nottingham Forestit në “Emirates Stadium” në Londër.
Me golin e Martinellit në minutën e pestë, Arsenali shkoi në pushim me avantazh 1:0.
Në pjesën e dytë, Nelson shënoi dy herë në minutat 49-të dhe 52-të për ta trefishuar epërsinë.
Partey në minutën e 57-të dhe Odegaard 12 minuta pa përfunduar sfida vulosën triumfin e madh të Arsenalit.
Mesfushori shqiptar, Granit Xhaka u aktivizua nga minuta e parë për t’u zëvendësuar në minutën e 78-të.
Arsenali rikthehet në pozitën e parë me 31 pikë. Nottingham Forest mbetet i fundit me nëntë pikë.
