Nuk ka qetësi për Radja Nainggolan, i cili pak ditë më parë u ndalua nga policia belge teksa drejtonte makinën pa patentë. Një episod që Royal Antwerp, klubi në të cilin luan aktualisht, nuk ka dashur ta komentojë.
Këtë herë, megjithatë, klubi nuk mund ta injoronte faktin që Nainggolan u kap nga kamerat dhe fotografët teksa pinte një cigare në pankinë para ndeshjes mes Antwerp dhe Standard, e cila përfundoi 3-0 për miqtë.
Përmes një shënimi zyrtar të publikuar në faqen e vet, klubi belg njoftoi për këtë rast pezullimin e Nainggolan për një kohë të pacaktuar: "Klubi pati një bisedë me Radja Nainggolan për sjelljen e tij të përgjithshme dhe se si kjo ndikon në ekip.
Klubi ka vendosur ta përjashtojë Radja nga ekipi A për një kohë të pacaktuar. As lojtari dhe as klubi nuk do të bëjnë komente të mëtejshme për këtë çështje".
“Ninja”, megjithatë, donte të shpjegonte anën e tij të historisë me një postim në Instagram: "Dua të them se më vjen shumë keq për atë që bëra. Mendoj se kjo është krejtësisht e gabuar.
Klubi ka marrë një vendim dhe unë vetëm mund ta pranoj atë, megjithëse mendoj se mund të jetë paksa e vështirë. Sidoqoftë, do të përpiqem të kontribuoj për ekipin në një mënyrë ose një tjetër
