Ballkani e nisi me barazim aventurën evropiane në Ligën e Kampionëve mbrëmë, raporton FrontOnline.
Në stadiumin “Fadil Vokrri” në kryeqytet, skuadra nga Suhareka barazoi me Zalgirisin 1:1.
Trajneri i Zalgiris, Vladimit Cheburin komentoi ndeshjen e djeshme ndaj Ballkanit, ku tha se skuadra e tij ka bërë shumë gabime në barazimin 1:1.
Sipas Cheburin ka ndikuar negativisht edhe moti me shi dhe fusha natyrale, sepse skuadra e tij stërvitet në fushë me bar artificial.
“E prisnim, parashikuam që skuadra e Ballkanit të jetë agresive që në minutat e para, të shkojë përpara, të shumë presion. Kështu ndodhi. Kemi bërë shumë gabime. Do të zbulojmë se çfarë e shkaktoi problemet tona, fusha apo faktorë të tjerë. Duhet të nxirren konkluzione në bazë të kësaj. Edhe moti ndikoi. Kundërshtarët shënuan një gol të shpejtë. Ne nuk e mbyllëm hapësirën për gjuajtje, megjithëse folëm për këtë. Pësuam gol, por mirë që shënuam pastaj”, tha fillimisht ai.
“Lënim kundërshtarët të krijonin raste, kjo ishte pengesë e madhe. Sulmet e kundërshtarëve ishin shumë të mprehta, portieri Edvin Gertmon na shpëtoi portën nga gjuajtjet. Përkushtimi i skuadrës ishte i mirë, por kishim edhe shumë gabime, pasi kjo nuk na lejoi të arrijmë një rezultat më pozitiv. Ndeshja do të rifillojë tani nga e para”, përfundoi Cheburin.
Ndeshja e dytë mes Ballkanit dhe Zalgiris zhvillohet me 12 korrik në Lituani./FrontOnline/
