Tyson Fury dhe Dillian Whyte, pos përballjes me njëri-tjetrin të shtunën mbrëma, do të marrin shifra tejet të larta të parave pas këtij meçi.
Duke qenë se luftohet për titullin kampion të botës për peshat e rënda, edhe monedhat nuk janë kursyer në drejtim të boksierëve.
Në bazë të asaj që raporton Daily Mail, për Furyn do të shkojnë hiç më pak se 21.5 milionë funte, ndërsa Whyte do të arkëtojë diku rreth 5.5 milionë të tilla, shkruan lajmi.net.
Fituesi i të gjithë takimit, pos këtyre, do të marrë 3.3 milionë funte.
Ndeshja do të fillojë rreth orës 23:00, në stadiumin Wembley.
