Një kalë tjetër ka ngordhur, pasi pësoi lëndime në Grand National 2022 të shtunën. Eclair Surf, nuk arriti të rikuperohej nga një rënie në pengesën e tretë në Aintree Racecourse dhe ngordhi ditën e sotme.
Lajmi në fjalë është bërë i ditur nga trajnerja e kuajve Emma Lavelle përmes llogarisë së saj në “Twitter”, ndërsa pas kësaj ka bërë xhiron e rrjetit.
“Jemi shumë të pikëlluar të raportojmë se pasi pësoi një dëmtim të rëndë në kokë në Grand National, Eclair Surf ngordhi këtë mëngjes. Ai ishte një kalë tepër i veçantë, i dashur nga të gjithë dhe do të na mungojë tmerrësisht.”-u shpreh trajnerja.
Eclair Surf është kali i dytë që ka ngordhur pas Grand National të këtij viti ku fitoi Noble Yeats, pasi ngordhi “Discorama”.
