Ka përfunduar ndeshja mes skuadrës së Southamptonit dhe kampionit evropian Chelsea, ku ky i fundit ka deklasuar nikoqirët.
Pas plot 90’ minutave lojë të zhvilluara në stadiumin “St. James Park”, Chelsea e ka shkatërruar Southamptonin me rezultat të thellë 6:0.
Fillimisht, ishte mbrojtësi i krahut Marcos Alonso ai i cili e zhbllokoi rezultatin i pari në ndeshje, duke shënuar në minutën e 8’ për 1:0.
Skuadra e Thuchel nuk u ndal së shënuari, ku e gjeti edhe golin e dytë përmes Mason Mount në minutën e 16’, ndërsa për 3:0 shënon sulmuesi Timo Werner në minutën e 21’.
Golin e katërt për Chelsean e shënoi ylli gjerman Kai Havertz në minutën e 31’, gol ky me të cilin edhe përfundoi pjesa e parë.
Chelsea vazhdoi me paraqitje bindëse edhe në pjesën e dytë, ku shënoi edhe dy gola të tjerë përmes Werner në minutën e 49’ dhe Mount në minutën e 54’ për ta vulosur fitoren 6:0 ndaj Southamptonit.
Me pikët e reja, Chelsea zë vendin e tretë në tabelë me gjithsej 62 pikë, krahas kundërshtarit të sotëm Southamptonit që renditet në vendin e 13 me 36 pikë të arkëtuara.
Rezultati final i ndeshjes është 6:0 në favor të Chelseat.
