Kryeministri Albin Kurti ka uruar Ditën e Kushtetutës, duke thënë se ajo shërben për perfeksionimin e lirive dhe të drejtave.
“Kushtetuta jonë është një dokument i gjallë, jo vetëm për të përsosur liritë dhe të drejtat tona, por edhe për të na ndihmuar të realizojmë potencialin tonë. Ajo që na bën të lirë nuk është mungesa e rregullave, por prania e drejtësisë”, ka shkruar Kurti në Twitter.
Për Ditën e Kushtetutës uruan edhe krerë të tjerë institucionalë.
Presidentja Osmani tha se sot kujton sakrificën e gjatë e të dhimbshme të popullit tonë, në mënyrë që një ditë, në kushtetutën e vendit tonë, të jetësohet ëndrra për të jetuar të lirë.
Derisa kryeparlamentari Konjufca, tha se duke miratuar Kushtetutën përfaqësuesit e zgjedhur të popullit siguruan themelet mbi të cilat sot qëndron shteti ynë demokratik dhe sovran.
Our constitution is a living document, not only to perfect our freedoms and our rights but also to help us realize our potential. What makes us free is not the absence of rules but the presence of justice.#HappyConstitutionDayKosova
— Albin Kurti (@albinkurti) April 9, 2022
