Tifozët e Prishtinës, Plisat nëpërmjet një postimi në faqen e tyre zyrtare kanë njoftuar se do të bojkotojnë ndeshjen e sotme të Prishtinës ndaj Llapit për shkak të vendimit arbitrar të Federatës së Futbollit të Kosovës, transmeton Gazeta Metro.
Nëpërmjet në postimi në Facebook tifogrupi ‘Plisat’ kanë komunikuar se nuk do të marrin pjesë sot në ndeshjen e klubit të tyre të zemrës pasi që nuk marrin pjesë në ato inskenime ku Prishtina trajtohet si mysafire në shtëpinë e saj.Ndër të tjera shtojnë se janë lodhur duke u dënuar të luajnë si mysafir me arsyen e problemeve teknike të stadiumit dhe kur është gjithçka në rregull me të, nuk arsyetohet tallja me Prishtinën.
Ata i bëjnë thirrje gjithashtu FFK’së që të mos mbaj inat, për arsye se klubi i Prishtinës nuk e mbështet kryetarin aktual, Agim Ademi në zgjedhjet për kryetar të FFK’së.
Kujtojmë se sot Gazeta Metro kishte konfirmuar përmes burimeve të saja në skuadrën e Prishtinës që ndeshja ndërmjet Prishtinës dhe Llapit do të luhet në stadiumin ‘Fadil Vokrri’ edhe pse pretendimet e FFK’së ishin që ndeshja të luhej në ndonjë vend tjetër.
