Gazeta prestigjioze zvicerane “Blick” i ka kushtuar një artikull të veçantë kryetarit të Federatës së Futbollit të Kosovës, Agim Ademi, pak para ndeshjes së Kosovës dhe Zvicrës.
Në këtë artikull, gazeta në fjalë ka shkruar për problemet e mëdha që po ndodhin në FFK dhe problemet e Ademit me ligjet e Kosovës, raporton FrontOnline.
“Blick” storien për Ademin e kanë emëruar ““Vorbull para provës kundër Zvicrës”.
Mediumi zviceran ka pasqyruar dhe raportuar atë që ka ndodhur pak ditë më parë – kur Ademi u shoqërua në Polici, pas konfliktit me Artan Govorin, punëtorin e FFK’së.
“Para dy javësh, mediat në Kosovë raportuan: “Arrestohet kryetari i Federatës së Futbollit, Agim Ademi. 59-vjeçari duhet të paraqitet në polici dhe dërgohet në mbajtje. Akuza: Mësohet se ka sulmuar fizikisht një punonjës të Federatës. Një ditë më vonë ai u lirua përsëri, mohoi akuzat në mediat sociale dhe foli për një ndryshim në reputacion. Zgjedhjet e reja priten në fillim të prillit. Përveç Ademit, i cili është në krye që nga viti 2018, kandidon edhe Gramoz Vokrri, djali i ish-presidentit Fadil Vokrri. Kërkesa e parë e Vokrrit për kandidim u tha se ishte refuzuar pa arsye të votave të pavlefshme. A kishte dorë Ademi në këtë? Sido që të jetë, biznesmeni vite më parë u fut në telashe me ligjin kur dyshohet se kërcënoi një tjetër biznesmen. Pasoja atëherë? Jo”, shkruan fillimisht “Blick”.
Më pas, mediumi citon deklaratën e kryetarit të FFK-së para ndeshjes me Zvicrën.
