Dolores Aveiro udhëtoi dje për në Vatikan, ku pati mundësinë të takonte dhe të merrte bekimin e Papa Françeskut. Takimi u shënjua edhe nga momenti kur Dolores i ofroi kreut të Kishës Katolike një fanellë të djalit të saj me kombëtaren portugeze, Cristiano Ronaldo.
Momenti është ndarë si publikim në llogarinë zyrtare në Instagram të mamasë së yllit portugez, ku Dolores Aveiro është “mburrur” me përvojën unike. “Emocion unik, faleminderit shumë”, – ka shkruar ajo. Duket edhe si një “bekim” për CR7 në këto momente, kur ndodhet në krizë të thellë resultative te Manchester United.
Golat e shënuar prej tij në vitin e ri janë ende zero, por të dhënat më shqetësuese kanë të bëjnë me mungesën e golave ??në pesë ndeshje radhazi të kampionatit. Diçka që nuk ndodhte nga viti 2010, kur portugezi veshi fanellën e Real Madridit.
Ky “agjërim” zgjatet edhe më nëse i shtojmë totalit eleminimin nga “FA Cup” në duart e Middlesbrough. Aty, Ronaldo pati një mundësi të “vuloste” kualifikimin në kohën e rregullt, por gaboi nga pika e bardhë
