Sot e gjitha vëmendje do të jetë në San Siro aty ku do të luhet derbi i Milanos. Inter kërkon hakmarrjen për dy ndeshjet e humbura këtë sezon përballë Milanit. Diferencat mes dy ekipeve janë të mëdha megjithatë kur bëhet fjalë për derbin spektakli dhe emocionet janë të garantuara. Lajmi i mirë për zikaltërit është rikthimi i Acerbit dhe Calhanoglu që duken se e kanë lënë pas krahëve dëmtimin por dihet nëse do ta nisin takimin që nga minuta e parë.
Në konferencën për shtyp në prag të sfidës, trajneri Inzaghi tregoi gjendjen e skuadrës ndërsa theksoi se një derbi vetëm fitohet:
“Të gjithë e dimë se çfarë përfaqëson një derbi, do të jetë një ndeshje e luftuar. E dimë vlerën e Milanit, këtë vit dy derbet e para shkuan keq. I pari në kampionat e merituam humbjen, në të dytin në Superkupën e Italisë duhej t'i kishim menaxhuar më mirë episodet. Goli i parë i tyre i parë erdhi pas një faulli ndaj Asllanit. Duhet të jemi më të mirë në momentet vendimtare të ndeshjes që mund të kthehen kundër. Duhet të jemi agresiv dhe ta kërkojmë fitoren”.
Nga ana tjetër, për trajnerin Serxho Conceico, ky do të jetë derbi i dytë si trajner i Milanit. Pas suksesit në finale e Superkupës, portugezi tani kërkon 3pikë në kampionat përballe rivalëve të përjetshëm
"Në këto ndeshje nuk ka asnjë favorit. Këto ndeshje marrin jetë kur gjyqtari i bie bilbilit. Shumë lëvizje janë bërë nga merkato e dimrit dhe nëse nuk do të kishte qenë ajo, do të ishte më mirë. Ne duhet të përqendrohemi në atë që mund të bëjmë. I dimë kundërshtarit dhe pikat e tij të forta, të cilat janë të shumta, por edhe dobësitë e tij. Puna kryesore është sigurisht gjithmonë tek ne, të japim gjithçka për ta merituar fitoren".
Aktualisht Milan renditet në vendin e 7 ne 34 pikë, 16 pikë më pak se Interi i vendit të dytë. Derbi Milan-Inter do të luhet sot duke nisur prej orës 18:00.
