Xhiroja e 17-të i vuri përballë Liverpoolin dhe Tottenhamit në “Tottenham Stadium”
Në çka dukej si përballje e vështirë, Liverpooli e ka kaluar me shumë lehtësi, ndonëse ishte mysafir.
Të besuarit e Arne Slot kanë arritur fitore të madhe, duke ‘shtuar’ epërsinë në kreun e tabelës, pasi e mposhtën 6-3 Tottenhamin.
Serinë e golave për të “Kuqtë” e hapi Luis Diaz, derisa Mac Allister shënoi për 2-0.
Tottenhami e ngushtoi epërsinë përmes Maddisonit, mirëpo Liverpooli sërish gjeti rrugën e golit përmes fantazistit hungarez, Szoboszlai.
Për për golin e katërt dhe të pestë u përkujdes Mo Salah, i cili po kalon në sezonin e tij më të mirë në karrierë.
Dejan Kulusevski dhe Dominic Solanke shënuan dy golat e ardhshëm të Tottenhamit, për të ngushtuar epërsinë në 3-5.
Mirëpo, ishte nata e Liverpoolit, me këta të fundit që shënuan edhe një herë përmes Luis Diazit.
Me këtë fitore, Liverpooli vazhdon kryesimin e tabelës me 39 pikë, katër më shumë se Chelsea në vendin e dytë. Megjithatë, Liverpooli ka edhe një ndeshje më pak (kundër Evertonit)./GazetaExpress/
