Arsenali është mposhtur 1-0 në udhëtim te Newcastle United në ndeshjen e vlefshme për xhiron e 10-të në Ligën Premier.
Ekipi i Eddie Howe i është kthyer fitores pas pesë ndeshjeve, ndërsa ekipi i Mikel Artetas nuk di për fitore në tri ndeshjet e fundit radhazi.
Pjesa e parë e ndeshjes ishte thuajse e barabartë, por me vendasit që ishin më konkret duke shënuar një gol.
Goli i vetëm në këtë pjesë erdhi në minutën e 12-të dhe ishte Alexander Isak, i cili shënoi për epërsinë 1-0 pas asistimit të Anthony Gordon.
Në pjesën e dytë, Arsenali menaxhoi lojën në kërkim të golit të barazimit, por edhe përkundër disa rasteve nuk arritën ta gjejnë golin.
Kështu pas 90 minutave lojë, Newcastle arriti të marrë një fitore të madhe 1-0.
Pas kësaj fitore, Newcastle ngjitet në pozitën e tetë me 15 pikë, teksa Arsenali renditet i treti me 18 pikë.
Në ndeshjen e ardhshme, Arsenali luan në udhëtim te Chelsea, teksa Newcastle është mysafir i Nottingham Forest. /Telegrafi/
