Prishtina ka mposhtur Llapin me rezultat 3-2 në derbin e xhiros së katërt në Albi Mall Superligë.
Megjithatë fundi i ndeshjes ishte i tensionuar me trajnerin Tahir Batatina që iu versul gjyqtarit Genc Nuza pasi ky i fundit e ndëshkoi me karton rë kuq.
U desh ndërhyrja e Policisë së Kosovës që Batatina të largohet.
Për më keq në stadium Nuza kishte edhe familjen e tij dhe vajzën e cila e shoqëroi në fushë në ditëlindjen e saj.
Një vajzë e vogël që pa skena të tmerrshme në stadion, për më tepër babai i saj ishte cak i sulmeve, por që u mbrojt nga Policia e Kosovës.
“Prishtina – Llapi. Vajza ime Anika në datëlindjën e saj dje ishte shoqëruesja dhe mbështetësja ime më e madhe në stadiumin Fadil Vokrri”, ka shkruar Nuza.
Është mirë që skena të tilla mos të shohim në stadiumet tona kur kanë filluar të rikthehen tifozët. /Gazeta Olle/
