Uruguai ka mposhtur Kanadanë në ndeshjen që e përcakton fituesin e vendit të tretë në Copa America.
Në një ndeshje ku fituesi u përcaktua vetëm pas ekzekutimit të penalltive pasi uruguaianët ishin më të saktë, shkruan Arbresh.info.
Koha e rregullt e kësaj ndeshje përfundoi me rezultat 2-2.
Uruguai e nisi më mirë ndeshjen duke shënuar në minutën e tetë përmes Bentacur.
Ndërsa nuk vonoi reagimi i kanadezëve kur në minutën e 22-të, Kone barazoi.
Një minutë më pas Uruguai shënoi mirëpo goli i Pellisterit u anulua për pozitë jashtë loje.
Kanada gjeti golin e epërsisë 10 minuta para fundit të ndeshjes kur realizoi Jonathan David.
Drama nuk kishte të ndalur kur në minutën e 92-të Luis Suarez barazoi rezultatin dhe ndeshja shkoi në penallti.
Në lotarinë e penalltive Uruguai fitoi 4-3, ku të gjithë lojtarët uruguaian që goditën shënuan nga pika e bardhë e penalltisë.
Kurse tek kanadezët gabuan Kone dhe Alphonso Davies.
Pas fitores në penallti Uruguai zë vendin e tretë në Copa America ndërsa, të dielën pas mesnate në ora 2:00 me kohën tonë lokale luhet finalja e madhe mes Argjentinës dhe Kolumbisë./Arbresh.info/
