Tifozat kuqezi kanë pushtuar rrugët e Hamburgut para ndeshjes me Kroacinë, e cila do të luhet sot në orën 15:00 në stadiumin “Volksparkstadion”.
Kryeministri Edi Rama ka ndarë një video nga rrugët e Hamburgut, të cilat janë të veshura me ngjyrat kuq e zi, duke mbështetur Kombëtaren.
"Hamburgu kuqezi
Respekt e mirënjohje për të gjithë shqiptarët që po e luajnë mrekullisht rolin e lojtarit të 12-të të Kombëtares, jo vetëm në shkallët e stadiumeve të Europianit, po edhe në rrugët e Gjermanisë, duke lënë mbresa të shkëlqyera në opinionin publik gjerman e jo vetëm dhe duke i bërë kështu edhe promovimin më të mirë Shqipërisë Turistike."- ka shkruar Rama krahas videos së shpërndarë në Facebook.
