Luis Enrique nuk e ka harruar ende humbjen 4-1 përballë Newcastle në Champions League.
PSG u mposht thellë në “St. James Park” mbrëmjen e 4 tetorit, duke rrezikuar kualifikimin në raundin e 1/8-ve.
E thashë edhe atëherë, humbja në Newcastle ishte e padrejtë, nuk e merituam atë lloj disfate. Gjë që e vërtetojnë edhe statistikat. Rezultati ishte i rëndë, por ky është futbolli.
E di që ishte një ndeshje që u ka pëlqyer shumë kritikëve të mi dhe atyre që duan ta shohin PSG-në duke humbur. Gjithsesi nuk ka ndonjë rëndësi të madhe, është pjesë e lojës”, theksoi tekniku spanjoll.
Skuadra franceze dominoi sfidën e kthimit, por shpëtoi falë një penalltie tepër bujare në minutat shtesë, duke siguruar barazimin 1-1 përballë bardhezinjve të Eddie Howe.
I njëjti rezultat u regjistrua edhe në përballjen e fundit në grup kundër Dortmundit në “Signal Iduna Park”. Barazim që me kombinimin e fitores së Milanit në Angli solli kualifikimin e PSG-së. Që do të sfidojë Real Sociedad për një biletë në çerekfinale.
