Pezullimi prej 10 muajsh i “fantazistit” të mesfushës, Sandro Tonali, ka lënë një boshllëk goxha të madh në mesfushën e “bardhezinjve” të Njukasëllit, me këta të fundit, që po mendojnë tashmë të afrojnë një tjetër mesfushor në merkaton e dimrit dhe duket se idetë i kanë të qarta.
Sipas raportimeve më të fundit të mediave franceze, “gjigantët” e Premier Ligës janë vënë pas talentit të Lionit, Rajan Çerki, me këtë të fundit që po mendon largimin nga francezët, pas nisjes së tmerreshme të këtij sezoni të Ligue 1.
Mirëpo, Njukasëll nuk është skuadra e vetme e interesuar për Cherki, pasi në garë janë edhe “Djajtë e Kuq” të Mançester Junajtedit, megjithatë ndryshe nga Junajted, skuadra e Njukasëlit ka lëvizur konkretisht dhe ka nisur kontaktet, madje prej javësh po e monitoron lojtarin nga afër.
