Përplasjet e vazhdueshme mes Paris Saint Germain dhe Mbappè është ndjerë deri në Napoli të Italisë. Arsyeja është e thjeshtë. Nëse sulmuesi francez nuk rregullon marrëdhëniet me klubin e tij, ai do të dalë në shitje.
Presidenti Al Khelaifi theksoi se Mbape nuk do të largohet si lojtar I lirë nëse nuk rinovon kontratën, ai do të shitet.
Edhe pse francezi ka vlerën e 200 milionë eurove ne treg , kjo nuk tremb Real Madrid-in apo Liverpool-in që janë gati të bëjnë gjithcka për futbollistin.
Nëse 24-vjeçari largohet nga Parisi, atëherë në skenë del Viktor Osimhen që gjithmonë ka patur interes nga kampionët në fuqi. Kjo ka trembur tifozët napoletan që nëse çdo gjë shkon sipas skenarit, me shumë gjasa do të duhet ti thonë lamtumirë yllit nigerian.
Nga ana tjetër presidenti De Laurentis e mirëpret diçka të tillë pasi çmimi që Osimhen ka në treg është 180 milionë euro! Një shifër që për Bayern Mynihu ishte e palogjikshme, ndërsa sheikët e Parisit nuk i tremben aspakt transferimeve te tilla.
