Gazetari Elvis Myrta ka qenë i ftuar sot në studion e Faxneës për të dhënë detaje rreth dhunës barbare që anëtarë të fisit Rraja ushtruan ndaj dy kushërinjve Bilbil dhe Jashar Maja, në lidhje me një konflikt për guroren në Borizanë të Krujës.
Myrta tha se prej 3 ditësh, policia e mbështetur nga FNSH dhe forcat RENEA ndodhet në Nikël ku ka bërë kontrolle në banesat e personave që dhunuan dy kushërinjtë Maja në Krujë.
Për moderatorin Syrjan Rahova, gazetari i Faxneës tha se ka pretendime se policia nuk ka reaguar pavarëisht denoncimeve që kushërinjtë kishin bërë, për shkak se shpërthimet në gurore po u dëmtojnë shtëpitë.
Myrta: Prej gati 3 ditësh policia , RENEA dhe FNSN ndodhen në Nikël për shkak të pamjeve, në kushtet e nje masakre të vërtetë ku anëtarë të fisit Rraja, dhunuar 2 kushërinjtë Maja.
Për ngjarjen kemi 4 të arrestuar dhe 4 në kërkim. Policia vijon kontrollet për kapjen e tyre, janë bërë kontrolle ne banesat e tyre. Dje janë bërë kontrolle në 12 banesa të personave që janë përfshirë në këtë konflikt.
Në pamje duket makabriteti i fisit Rraja. Konflikti ka nisur 4-5 muaj më parë, për shkak të minave në guroren, që është në pronësi të vëllait të deputetit të PS. Fisi Maja ka bërë denoncim në polici se banesa e tyre ka pësuar dmëtime për shkak të minave.
Ditën e ngjarjes pretendojnë se kanë qene me inxhinierin e firmës dhe kur kanë porositur kafen, kanë mbërritur disa persona, ka pretendime se shteti nuk ka reaguar edhe pse ka pasur kallëzime të njëpasnjëshme. Kanë thënë se do të bëjën edhe vetegjyqësi. Në dijeninë time, blutë e Tiranës i kanë ofruar mbrojtje familjes Maja. Ka një verifikim nga AMP, për veprimet apo mosveprimet e policisë por deri tani flitet se nuk ka një shkelje nga ana e policisë
