Kanë përfunduar dy takimet përmbyllëse të javës së 20-të në elitën e futbollit kosovar.
Ballkani ka shënuar fitore të re, duke triumfuar në shtëpi kundër Drenicës me rezultat 2:1.
Koxy i dha epërsinë Drenicës në minutën e tetë, për t’u barazuar më pas nga Albion Rrahmani në minutën e 25-të.
I njëjti shënoi golin e fitores për Ballkanin në minutën e 88-të të përballjes.
Në anën tjetër të Kosovës, Gjilani dhe Malisheva kanë ndarë pikët 2:2 në stadiumin me bari sintetik në Gjilan
Sobowale në minutën e 18-të dhe Tolaj në të 64-tën ishin golashënuesit për Malishevën.
Ndërkohë, për Gjilanin realizuan Dabiqaj në minutën e 30-të dhe Mevlan Zeka dhjetë minuta pa përfunduar takimi.
