Këmba e majtë e statujës së Diego Armando Maradonës është vjedhur nga lagjia spanjolle e Napolit, ku ndodhet murali kushtuar kampionit argjentinas.
Vepra i ishte kushtuar “Pibe de Oro” nga miku dhe menaxheri i tij historik Stefano Ceci. Hajdutët ndërhynë mbrëmë në të dhe mëngjesin e sotëm u konstatua surpriza e trishtë në “Largo Maradona”.
Kjo është një lagje me ngjyra blu, kushtuar argjentinasit me shaje, bluza, të përdorur për festa dhe të pushtuar nga fansat e turistët aq shpesh sa ka për të kujtuar Maradonën, si me rastin e vdekjes, ose në ditëlindjen e tij të fundit.
Ceci e kishte “shtypur” në telajo gjymtyrën e majtë të Maradonës dhe ia dhuroi ‘Quartieri Spagnoli’-t me rastin e ditëlindjes së tij të 62-të, më 30 tetor.
Ky ishte një tjetër kujtim i çmuar (pikturë 3D) për të kujtuar argjentinasin që shumë tifozë e kanë vlerësuar dhe admiruar gjatë karrierës së jashtëzakonshme si futbollist.
Dhe tani e papritura e hidhur me vjedhjen e këmbës së majtë të "muralit". Piktura 3D përfshinte gjithashtu një kod QR për të hyrë në përmbajtje ekskluzive multimediale.
