nteri u përball ditën e djeshme ndaj Sampdorias dhe nuk mori dot më shumë se një barazim pa gola. Duke parë edhe mënyrën sesi shkoi sfida, gjithë vëmendjen në fushën e lojës e mori një konflikt verbal mes Barrellas dhe Lukakut në pjesën e parë.
Belgu ka humbur shumë nga forma e tij fizike dhe ditën e djeshme bëri gabime të njëpasnjëshme në kontrollin e topit. Në një moment kur Lukaku gaboi, Barrella shfaqi pakënaqësi dhe shoku i tij nuk e priti aspak mirë këtë reagim të shokut të ekipit.
Aria arcobaleno in casa Inter.
— Il Fratello di Zielu (@zielulife2) February 13, 2023
Lukaku chiama figlio di puttana Barella. Tutto sotto controllo. pic.twitter.com/FJGFADMaLR
Kamerat kanë filmuar gjithë momentin dhe Lukakun nuk e mbajtën aspak nervat dhe i drejtohet shokut të tij të ekipit me fjalët: “Mjaft! Mjaft tani! Kuptove? Mos bëj kështu. Shko p**dhu, bir k***e.” Pas ndeshjes në lidhje me këtë zënkë ka reaguar trajneri i zikaltërve, Simone Inzaghi.
“Këto janë gjëra që në fushë absolutisht nuk dua t’i shoh. Ata janë miq të shkëlqyer dhe në fund të ndeshjes po qëndronin bashkë. Situata u qetësua menjëherë, që pas përfundimit të pjesës së parë”, tha ndër të tjera Inzaghi.
