Lionel Messi rikthehet për të folur për triumfin e tij me Argjentinën në Kupën e Botës 2022. Ai e bën këtë në një intervistë të gjatë me Olé, në të cilën ai rishikon momentet dhe emocionet e atyre ditëve magjike: "Lutja gjatë penalltisë vendimtare? Disa thonë se po flisja me gjyshen, ose me Maradonën, por nuk është kështu. I kërkova Zotit dhe Gonzalos (Montiel) të shënojmë, të mos e zgjasin më atë agoni se po bëhej e padurueshme".
Për Pulce, triumfi në Doha ishte një çlirim: “Atë moment e kam dëshiruar me gjithë zemër. Pas kaq vitesh në kombëtare, pasi u afrova në 2014... Kam bërë sakrifica, ka pasur kaq shumë disfata dhe kaq momente të vështira. Ndoshta familja ime e ka përjetuar më shumë se unë. Kam shumë të afërm në Argjentinë dhe kjo pritje po i konsumonte, ata vuajtën si unë ndoshta më shumë. E di që kanë kaluar kohë të këqija por tani jemi të gjithë të lehtësuar nga suksesi si kampionë bote”.
Një nga imazhet simbolike të finales së mrekullueshme kundër Francës është ajo e pritjes së Emiliano Martinezit ndaj Kolo Muanit në fundin e kohës shtesë: “Gjithçka shkoi kaq shpejt... as që munda ta përjetoja plotësisht në atë moment. Kam vuajtur më shumë duke parë videon më vonë, akoma kam ankth kur e shoh përsëri”.
Më pas ai hedh poshtë kritikat për qëndrimet paksa të tepruara në festime, duke përfshirë gjestin e vrazhdë të Dibu Martinezit në kohën e ndarjes së çmimit: “Kritika më duken të padrejta, ne kemi pasur gjithmonë sjellje shembullore, Njerëzit flasin shumë për atë që ndodhi kundër Holandës (ngazëllimi në fytyrat e kundërshtarëve), por askush nuk thotë asgjë për atë që ndodhi më parë, për provokimet gjatë ndeshjes: mungesën e lojës së ndershme”.
Messi më pas riktheu fazat që çuan në finale: “Pas humbjes ndaj Arabisë Saudite u ndjemë si një m... po sikur të mos kishim fituar kundër Meksikës... Në atë moment, megjithatë, ne pamë forcën e grupi. Në interval thashë se situata ishte e vështirë, por duhej të luanim siç dinim, ishim superiorë ndaj Meksikës dhe duhej të përshpejtonim. Na hëngri ankthi, për shumë kohë ishte loja jonë më e keqe, por më pas ne u bëmë më të sigurt dhe të qetë. Me Poloninë ishte një lojë nga brenda dhe ne kishim kontrollin. Ne ishim kthyer në thelbin tone”.
Akti i fundit i Kupës së Botës 2022 ishte gjithashtu një super sfidë mes tij dhe Kylian Mbappé, të cilin më vonë e takoi sërish në Paris: “Folëm shkurt për festimet, për mënyrën se si u përjetua në Argjentinë. Asgjë më shumë: humba edhe unë, e gjeta veten në atë anë dhe nuk doja të flisja shumë. E kuptova dhe nuk doja ta prekja temën. Gjithçka është në rregull mes meje dhe tij".
Së fundi ai foli për të ardhmen: "Unë jam 36 vjeç dhe më duket e vështirë të mendoj të jem në Botërorin e ardhshëm. Më pëlqen të luaj futboll dhe për sa kohë që ndihem në formë dhe vazhdoj të kënaqem, do ta bëj. Por unë nuk mund të mendoj deri në Botërorin e ardhshëm. Unë do të vazhdoj, do të shohim se ku do të më çojë karriera ime. Scaloni? Shpresoj që ai të vazhdojë, do të ishte mirë të mos ndryshonte tani. Unë atë do ta kuptojmë në çdo rast. Nuk kam folur me të kohët e fundit, por shpresoj që ai të vendosë të rinovojë, sepse do të ishte më e mira për Argjentinën. Unë jua kam thënë tashmë këtë”.
