"Enzo nuk ka treguar ndonjë interes për të qëndruar. Më vjen keq për humbjen e lojtarit, por e kam ndërgjegjen e pastër." Manuel Rui Costa, ish-mesfushori i Fiorentinës, Milanit dhe Kombëtares Portugeze dhe presidenti aktual i Benfica-s, komentoi transferimin e Enzo Fernandez te Chelsea: një operacion me vlerë mbi 120 milionë euro. Mesfushori argjentinas u ble nga Benfica verën e kaluar. Klubi portugez e kishte rrëmbyer nga River Plate duke paguar 10 milionë euro plus 8 bonuse.

"U bë gjithçka që të mos ndodhte. Jam i trishtuar që kam humbur lojtarin, por kam ndërgjegje të pastër që kam bërë më të mirën për Benfikën. Enzo nuk ka treguar dëshirë për të qëndruar. Ne kishim frikë se dikush do ta kalonte klauzolën, ne u përpoqëm t'i ofronim një rritje, por propozimi që Chelsea i bëri Enzos për ne ishte i paarritshëm. Enzo ishte i pakompromis. Ne këmbëngulëm, por ai nuk tregoi gatishmëri për të vazhduar te Benfica”.

I propozova Chelsea që ta linte të qëndronte deri në verë dhe më pas ta kishte me një çmim më të ulët. Megjithatë, lojtari nuk ka dashur të vazhdojë te Benfica. Dhe këtu ka ndryshuar gjithçka. Një lojtar që edhe me mundësinë për të mos humbur asnjë euro dhe me një kontratë të sigurt me Chelsean, nuk dëshiron të qëndrojë, nuk mund të vazhdojë të luajë kurrë te Benfica. Enzo Fernandez nuk do të mund të hynte më në dhomat e zhveshjes”.