Për Michael Schumacher, viktimë e një aksidenti shumë të rëndë në ski më 29 dhjetor 2013, informacionet janë të pakta, pasi vetë familja ka dashur që të mos flasë.
Vetëm anëtarët e familjes dhe shumë pak miq të ngushtë, si Jean Todt, kanë akses në shtëpinë e Schumacher. Megjithatë, në vitin 2016, dikush që takoi ish-pilotin e Ferrarit u përpoq ta tradhtonte duke u ofruar gazetave fotografi të bëra në fshehtësi të madhe për një shifër prej rreth një milion eurosh. Kërkesa u refuzua nga të gjitha gazetat evropiane të cilave iu dorëzuan fotografitë.
Sipas prokurorit, “një person i panjohur, me sa duket një mik i ngushtë i shoferit në atë kohë”, gjatë një vizite në shtëpinë në Zvicër të gjermanit dyshohet se ka fotografuar fshehurazi shtatë herë kampionin e botës në Formula 1 të shtrirë në shtrat. Megjithatë, identiteti i autorit të këtij gjesti të neveritshëm, një “shkelje e jetës së tij personale dhe privatësisë”, nuk dihet.
as kësaj familja Schumacher u zhvendos në Mallorca duke lënë vilën në Zvicër.
