Prishtina e ka mposhtur Trepçën ’89 me rezultat 3-0, në kuadër të javës së 18-të në Superligën e Kosovës.
Golin e parë në ndeshje e ka shënuar Kreshnik Uka, nga pika e bardhë, teksa me këtë rezultat përfundoi pjesa e parë.
Në pjesën e dytë, kryeqytetasit shënuan edhe dy herë, fillimisht me Meti Useinin, në minutën e 50’ dhe Ramiz Bytyqin në aksionin e fundit në ndeshje.
Prishtina sezonin vjeshtor e mbyll në vendin e katërt me 26 pikë, pas 17 ndeshjeve. /Klankosova.tv.
