Drita ka marrë një rezultat pozitiv nga ndeshja e mbrëmshme në Conference Leagu përballë Antwerp, shkruan Demokracia.com.
Gjilanasit luajtën baras me belgët me rezultat 0:0, duke lënë gjithçka të hapur për ndeshjen e kthimit të luhet javën e ardhshme në “Fadil Vokrri”.
Megjithatë, ajo që ra në sy ishin dy gabime bukur të mëdha të gjyqtarëve nga Malta, të cilët ndalën dy aksione të Dritës për pozitë jashtë loje, siç dëshmojnë edhe fotografitë më poshtë.
Arbnor Muja e Marko Simonovski u ndaluan edhe pse pozita e tyre ishte e rregullt, madje ajo e Simonovskit ishte mundësi e artë për gol.
Se çfarë do të ndodh në ndeshjen kthyese mbetet të shihet por e sigurt është se spektakli nuk do të mungojë nga “Intelektualët” në “Fadil Vokrri”.
