Rinovimi i kontratës së tij u desh për të “bindur” lojtarin e Manchester City, Riyad Mahrez, që të … ndërronte celularin. Ndodh edhe kështu. Futbollisti algjerian është parë duke përdorur një celular që dita-ditës dukej gjithnjë e më i konsumuar, për të mos thënë i prishur.
Në rrjetet sociale ka disa foto të "playmaker"-it të Manchester City me celularin e tij dukshëm të rrënuar, por të mbajtur shpesh në dorë me krenari.
Gjithashtu për shkak të largimit drejt Shteteve të Bashkuara, ku skuadra e tij do të luajë disa ndeshje miqësore në kuadër të sezonit të ri, Mahrez mori me vete edhe objektin në fjalë. Kjo shkaktoi reagimin e një dite më parë.
Fotoja para fluturimit që do ta çojë me skuadrën angleze në Amerikë gjeneroi një koment vërtet të këndshëm nga një përdorues, i cili i kërkoi të ndryshonte celularin, sepse fiton miliona euro në vit.
Futbollisti iu përgjigj: "Po, e di. Unë po prisja kontratën e re për ta bërë këtë". Referenca ishte zgjatja e kontratës së fundit me klubin e tij. Një shaka shumë e bukur…
Ne do të shohim nëse kjo gjë do të pasojë blerjen e celularit të ri, apo ai ekzistuesi, me ekran të thyer, konsiderohet si "hajmali" prej algjerianit, është shenjë e përulësisë dhe mos harrimit se nga vjen, çfarë fëmijërie të vështirë ka pasur.
