Në Kampionatin Ballkanik për senior që u mbajt sot në Pazarxhik të Bullgarisë, Kosova fitoi gjashtë medalje, një të artë, një të argjendtë e katër të bronzta.
Me medaljen e artë u kurorëzua Shpati Zekaj në kategorinë deri në 100 kilogramë.
Me medalje të argjendtë u stolis Erza Muminoviq në kategorinë 48 kilogramë, kurse Loriana Kuka 78 kg, Debora Gjakova 57 kg, Muhamedin Veseli 60 kg dhe Dardan Cena 73 kg,, fituan medalje të bronztë.
“Foto nga kampionët Ballkanik për senior në Pazarxhik të Bullgarisë! Shpati dominoi në të gjitha luftërat dhe u kurorëzua me titullin Kampion Ballkanik”, ka shkruar trajneri Driton Kuka në faqen e tij në ‘Facebook’.
Me ekipin e xhudistëve në Bullgari ishin trajnerët Meli Zeka dhe Cuki Veseli./
