Barcelona ka shitur disa nga të drejtat e saj televizive për më shumë se 200 milionë euro për të ndihmuar financat, tha klubi të enjten.
Klubi katalanas tha se firma e investimeve Sixth Street do të investojë 207.5 milionë euro në këmbim të 10% të të drejtave televizive të klubit në ligën spanjolle për 25 vitet e ardhshme, raporton Marca, transmeton Klankosova.tv.
Barcelona e quajti marrëveshjen “një hap të madh përpara në përmirësimin e burimeve financiare të klubit dhe pozicionimin konkurrues”, shkruan Marca, transmeton Klankosova.tv.
Klubi tha se transaksioni i lejon Barcelonës të gjenerojë fitime kapitale në total prej 267 milionë euro në sezonin e ardhshëm.
Barcelona është duke u rikuperuar ngadalë financiarisht pas vështirësive që çuan në largimin e yllit Lionel Messi në vitin e kaluar.
