Legjenda e Anglisë, Alan Shearer, i cili është edhe futbollisti me më së shumti gola në histori të Premier League është shprehur optimist se të sapoardhurit në Angli, Darwin Nunez dhe Erling Haaland, do të shënojnë një numër të madh golash, transmeton Gazeta Metro.
Pas zyrtarizimit nga Manchester City për ish-sulmuesin e Borussia Dortmund, Erling Haaland, i menjëhershëm ishte edhe reagimi i rivalëve të tyre, Liverpool të cilët në radhët e veta sjellën uruguaianin, Darwin Nunez.
Në lidhur me këto dy transferime ‘bombastike’ që ndodhën në elitën e futbollit anglez për Sky Sports ka folur ish-sulmuesi, Alan Shearer, i cili tregoi se i ka parë në ndeshjet e tyre në Ligën e Kampionëve dhe janë lojtarë të mrekullueshëm.
”Dy nënshkrime të mëdha dhe dy lojtarë fantastikë. Jam i sigurt që të dy lojtarët do të shënojnë shumë gola në Premier League dhe do t’i bëjnë klubet e tyre edhe më të mira. Unë i kam parë edhe ndeshjet e tyre në Ligën e Kampionëve, është e mrekullueshme për Premier League të ketë kësi lloj lojtarësh,” tha ai.
Kujtojmë q Alan Shearer realizoi 260 gola gjatë karrierës së tij në Premier League me skuadra si Blackburn Rovers dhe Newcastle United, një rekord që ka qëndruar tani për më shumë se 16 vjet. /gazetametro.net
