Kanë përfunduar shtatë ndeshjet e Ligës së Kombeve, ku vëmendja kryesore ishte tek ndeshja Angli-Itali e cila përfundoi me rezultat të barabartë 0-0, ndërsa edhe Hungari arriti të befasoi Gjermaninë, duke barazuar 1-1.
Pasi që e mposhti përmes penalltive në finalen e Kampionatit Europian vitin e kaluar, Anglia u mendua se do t’i hakmerret Italisë sonte, megjithatë nuk arriti.\
Raste të shumta prodhuan të dyja kombëtaret gjatë gjithë ndeshjes, ku ishte një përballje me tempo të lartë të lojës. Por, në natën e tyre ishin dy portierët Aaron Ramsdale dhe Gianluigi Donnarumma, të cilët në më shumë se disa raste shpëtuan portat e tyre.
Pikët i ndanë edhe dy kundërshtarët e tjerë në grupin 3 të Ligës A, Hungaria dhe Gjermania. Hungarezët me shumë të drejtë mund të quhen befasia e këndshme e këtij grupi.
ta pasi arritën të mposhtin Anglinë në shtëpi, tani sigurojnë edhe një pikë kundër Gjermanisë. Të parët që kaluan në epërsi ishin vendasit në minutën e 6’të të takimit me anë të Zsolt Nagy.
Megjithatë, nuk vonoi shumë kundërpërgjigja e gjermanëve të cilët vetëm pas tre minutave barazuan rezultatin, ku realizoi mesfushori, Jonas Hofmann.
Pas këtyre rezultateve ‘Azurët’ mbesin në pozitën e parë në grup me pesë pikë, ndërsa Hungaria në vendin e dytë me katër pikë, një më shumë se Gjermania dhe në pozitën e fundit janë ‘Tre Luanët’ me vetëm dy pikë.