Saga e Kylian Mbappe është gati të përfundojë një herë e përgjithmonë, pasi francezi do të nënshkruajë një marrëveshje të re me Paris-Saint Germain.
MARCA ka mësuar, nga burime të afërta se Mbappe ka njoftuar presidentin e Real Madridit , Florentino Perez për vendimin e tij.
Është hera e dytë që Mbappe refuzon Real Madridin, pasi u largua nga Monaco për në PSG në vitin 2017 dhe, ashtu si pesë vjet më parë, ky nuk është rezultati që shpresonte Real Madridi.
Real Madrid dhe Mbappe kishin arritur një marrëveshje javën e kaluar në lidhje me kushtet e kontratës. Këtu përfshihej, ndër të tjera, pagesa prej 130 milionë eurosh si bonus nënshkrimi, dominimi total i të drejtave të imazhit dhe një pagë mjaft fitimprurëse.
Megjithatë, Mbappe dhe ekipi i tij, të cilët janë rrethuar vazhdimisht nga presioni politik nga Katari dhe Franca, vazhduan bisedimet edhe me PSG-në.
“Është vendimi më i vështirë i jetës së tij”, kanë shpjeguar të afërmit e tij.
Klubi francez i ka dhënë gjithçka që ai ka kërkuar, duke përfshirë një shumë të madhe parash, megjithatë, faktori më i rëndësishëm ka qenë aspekti sportiv.
Në PSG , Mbappe do të ketë një zë dhe do të dëgjohet, duke ndikuar në zgjedhjen e drejtorit të ri sportiv si dhe trajnerit të ardhshëm.
Tani së shpejti pritet të ketë një deklaratë zyrtare të Mbappes ku do ta konfirmojë të ardhmen.
