Lojtari i Manchester City, Gabriel Jesus është në diskutime për t’u bashkuar me klubin e Arsenalit, por të interesuar janë edhe 6 klube të tjera
Me sa shihet lojtari sulmues i Manchester City-t tashmë ka shumë klube të interesuara që ta transferojnë nga klubi i tanishëm.
Gazetari i njohur i futbollit, Fabrizio Romano ka zhvilluar një intervistë me agjentin e futbollistit Marcelo Pattinati, ku përmes një video në Youtube ai ka treguar më gjërësisht për futbollistin, i cili pritet të ketë transfer shumë shpejt por asgjë nuk është ende e sigurtë.
“Ne kemi pasur bisedime me klubin e Arsenalit për Gabrielin dhe na pëlqeu projekti që na shpjeguan”, ka thënë agjenti Marcelo Pattinati në një intervistë që ka zhvilluar me gazetarin Fabrizio Romano,
“Kjo është një mundësi e cila mund të ndodh për Arsenalin por interesimi për Gabriel Jesus vjen edhe nga 6 klube të tjera” shtoi agjenti.
Por fokusi i lojtarit me sa shihet është tek ndeshjet e fundit të klubit në të cilin ai është aktualisht.
Romano ka thënë se disa javë më parë ka treguar se Arsenali ka pasur mesazhe direkte me agjentët e Gabriel Jesus-it, e ku drejtori i klubit të Arsenalit Edu Gaspar është ende duke e shikuar lojtarin se a do të jetë i denjë për ekipin.
Takime mes klubeve për të diskutuar rreth sulmuesit nuk ka pasur, por Gabriel Jesus pritet të largohet nga Manchester City në fund të sezonit.
