Trajneri i Manchester Cityt, Pep Guardiola gjatë intervistës pas ndeshjes kundër Newcastle United ka thënë se mediat dhe të gjithë njerëzit në Angli janë mbështetës të Liverpoolit, transmeton Gazeta Metro.
Manchester City ka arritur të shënoi fitore shumë të thellë në ‘Etihad Stadium’ sot kundër Newcastle United me golat e shënuar nga Raheem Sterling i cili realizoi dy herë, Rodri, Phil Foden dhe Aymeric Laporte.”Liverpool ka një histori të pabesueshme në garat europiane por jo në Premier League, sepse ata e kanë fituar vetëm një herë në 30 vjet. Të gjithë në këtë vend e mbështesin Liverpoolin, mediat dhe të gjithë. Fati ynë është në duart tona, kjo është e rëndësishme,” tha Guardiola për SkySports.
Pas kësaj fitore trajneri i ‘Citizens’, Pep Guardiola ka folur edhe rreth skuadrës së Liverpool dhe mbështetjen që ju ofrohet atyre nga pothuajse të gjithë njerëzit në Angli.
Ndër të tjera spanjolli konfirmoi se nuk do të ketë në dispozicion më për këtë sezon Kyle Walker, John Stones dhe Ruben Dias. Por, thotë se mesfushori, Rodri mund të luaj në qendër të mbrojtjes.
”Edhe pse nuk do të luajnë Kyle Walker, Ruben Dias dhe John Stones këtë sezon nuk do të jetë edhe problem, sepse mund të luaj Rodri ose dikush nga akademia,” tha ai.
Manchester City tani është në pozitën e parë me 86 pikë tre më shumë se rivali i saj kryesor për titull, Liverpool e cila dje lëshoi pikë kundër Tottenham Hotspur pas barazimit në shtëpi 1-1. Derisa, skuadra e Newcastle United mbetet në vendin e 13’të me 43 pikë. /gazetametro.net
