Shtatë herë kampioni i botës në Formula 1, Ljuis Hemilton thotë se skuadra e Mercedesit nuk po lufton për fitimin e kampionatit këtë sezon.
Deklarata e tij erdhi pas paraqitjes dëshpëruese ditën e djeshme në pistën e Imolas, në të cilën ai u rendit në vendin e 14-të pas garës sprint, shkruan BBC Sport.
Ndërsa, shoku i tij i skuadrës Xhorxh Rasëll përfundoi në vendin e 11-të. Gara për Çmimin e Madh të Emilia Romanas do të zhvillohet këtë të dielë dhe skuadra gjermane shpreson që të përmirësohet në renditje.
Sezoni i vitit 2022 ka nisur me probleme për Mercedesin, pas tre garave të para në të cilat ata ishin rreth një sekondë larg ritmit të makinave pretendente për titullin, Ferrari dhe Red Bull.