Derbi në mes Manchester Cityt dhe Liverpoolit është mbyllur pa fitues.
Kjo ndeshje ishte e vlefshme për javën e 31-të, në Premier League, ku u shënuan katër gola, dy skuadrat shënuan nga dy gola.
Serinë e golave e nisi Kevin de Bruyne, i cili shënoi në minutën e 5-të, pas një asistimi nga Bernardo Silva, derisa Liverpooli arriti ta barazojë rezultatin në minutën e 13-të, me Diogo Jotan.
City nuk u ndal dhe e ktheu epërsinë në minutën e 36-të, me Gabriel Jesus. Ndërsa pavarësisht shumë rasteve tjera në fund u mbyll me këtë rezultat pjesa e parë.
Me të filluar pjesa e dytë, Liverpooli e barazoi rezultatin me super aksion, të cilin e përfundoi me sukses në portën e Cityt, Sadio Mane.
City kaloi edhe njëherë në epërsi me Raheem Sterling, në minutën e 63-të, por që goli u anulua nga VAR-i, për pozicion jashtë loje.
Dy skuadrat deri në fund të ndeshjes kishin rastet e tyre madje edhe për ta fituar ndeshjen, por u mbyllë me rezultat të barabartë.
Manchester City pas barazimit mbetet në pozitën e parë me 74 pikë, derisa Liverpooli me vetëm një pikë më pak. /Klankosova.tv/
