Është sensacionale ajo që ndodhi në minutat e fundit të ndeshjes së fituar 4-1 nga Bajerni i Mynihut në fushën e Frajburgut: në fakt, në minutën e 86, edhe pse u zëvendësua, Koman preku sërish topin, arbitri Kristian Dingert e vuri re dhe për këtë arsye ai u konsultua me VAR-in për të verifikuar çdo parregullsi.
Bavarezët në fakt luajtën me 12 futbollistë për rreth 30 sekonda, siç mund të shihet qartë në foton e artikullit! Thelbi tani është interpretimi i rregullores për të kuptuar se kujt t’i atribuohet gabimi: nëse, siç thotë shtypi gjerman, do të konfigurohej një sjellje e pakujdesshme e pankinës së Bajernit, humbja në tavolinë do të ishte e sigurt për skuadrën e Nagelsman.
Nga ana tjetër, nëse do të ishte një gabim teknik i gjyqtarit Dingert, ndeshja duhet të përsëritet nga fillimi, sikur të mos ishte luajtur kurrë. Rregullorja e Bundesligës, në nenin 17, paragrafi 4, thotë:
“Nëse një lojtar luan një lojë ose një pjesë të saj pa u kualifikuar, skuadra që përdori atletin duhet të sanksionohet me 3-0 në tavolinë, nëse ndeshja përfundon përpara se gjyqtari të kuptojë papërshtatshmërinë e lojtarit”
Kujtojmë që kjo do të ishte e rrallë në fakt dhe e padëgjuar në dekadat e fundit. Do të pritet se si do të shënohet në raportin e arbitrave, por kjo mund të rihapte kampionatin totalisht, me Dortmundin që ndodhet direkt mbrapa.
Kjo ndeshje ishte e vlefshme për javën e 28 të Bundesligës: Bajerni i Mynihut falenderon Goretzkan e kthyer (mungonte që nga dhjetori për shkak të lëndimit), Gnabri, Koman dhe Sabitzer, dhe mposhti Frajburgun 4-1 jashte fushe.
FC Bayern fielded 12 players for a brief moment against Freiburg today ?? pic.twitter.com/TfI4loqVs3
— International Champions Cup (@IntChampionsCup) April 2, 2022
