Disa herë jemi befasuar me pamjen e lojtarëve, me struktura jashtëzakonisht muskulare, siç ndodhi me Adama Traoré ose Adebayo Akinfenwa. Megjithatë, rrallë herë ka qenë një arbitër futbolli që na ka tërhequr vëmendjen nga ky këndvështrim. Ne po ju njohim me një gjyqtar, reth të cilit flitet më shumë për formën e tij fizike sesa për mënyrën se si bën drejtësi në ndeshje.
Ai quhet Anderson Daronco, është brazilian nga Santa Maria, 40 vjeç. Prej kohësh shquhej për bicepsin e tij gjigant, por ai është rikthyer në plan të parë kohët e fundit, kur në fushë u paraqit edhe më muskuloz se në të shkuarën.
Arbitri i kualifikueseve të Kupës së Botës për Amerikën e Jugut, "Copa Libertadores" dhe kampionatin brazilian, Daronco drejtoi ndeshjen e tij të fundit më 13 qershor. Atë ditë u bë protagonist i një takimi me Hulk, çka ndezi rrjetet sociale. Komente të shumta për foton që bëri bashkë ish-futbollistin muskuloz të Zenit me gjyqtarin.
Me një përvojë në hendboll dhe mësues i edukimit fizik, Anderson Daronco e filloi karrierën si arbitër më 1999 dhe u ngjit në hierarkinë e futbollit brazilian, për t’u bërë më pas gjyqtar i ndeshjeve ndërkombëtare.
Rreth 190 centimetra i gjatë dhe me peshë 90 kilogramë, Daronco ka reputacionin e një arbitri të fortë dhe të pakompromis, edhe pse dëshiron të gjykohet jo për pamjen e jashtme, por për vendimet që merr në fushë:
