Futbollisti i Real Madrid, David Alaba i cili ndryshe është edhe lojtari kryesor tek Kombëtarja e Austrisë gjatë ditës së djeshme ka folur për humbjen ndaj Uellsit për kualifikimet për Kampionatin Botëror 2022
Alaba i cili njihet për vetinë e tij të jetë në gjendje të luaj në disa pozicione në fushë si mbrojtës i krahut të majtë, qendërmbrojtës dhe mesfushor qendror është shprehur mjaft i mërzitur për humbjen ndaj Uellsit në kualifikimet për Kampionatin Botëror.
Ai përmes një postimi në Twitterin e tij ka treguar se edhe pse kishin besuar dhe luftuar deri në fund për fitore, përfundimi është fatkeqësisht i hidhur për Kombëtaren Austriake.
Ndër të tjera 29-vjeçari tha: ”Ne i kemi vënë vetes synime të larta, kemi besuar deri në fund dhe kemi luftuar për të deri në fund. Përfundimi është fatkeqësisht një humbje jashtëzakonisht e hidhur për të gjithë ne. Por në futboll është gjithmonë kështu: kur je në tokë, ngrihesh dhe shikon përpara.”
Gjatë vitit të kaluar ish futbollisti i Bayern Munich u transferua tek skuadra e Real Madrid pasi që kaloj të gjithë karrierën e tij tek klubi gjerman, këtë sezon për ‘Los Blancos’ ai ka luajtur në 38 ndeshje duke pasur kështu një rol kyç tek skuadra e drejtuar nga Carlo Ancelotti.
Wir haben uns viel vorgenommen, bis zum Schluss daran geglaubt und bis zum Schluss dafür gekämpft. Unterm Strich bleibt leider eine extrem bittere Niederlage für uns alle.
— David Alaba (@David_Alaba) March 25, 2022
Im Fußball ist es aber immer so: Wenn man am Boden liegt, steht man auf und schaut dann nach vorne. pic.twitter.com/9uTyIayOpk
