Dusan Vlahovic, sërish beqar. Sipas raportimeve nga e përjavshmja “Chi”, blerja e bujshme e Juventusit ka ndërprerë marrëdhënien e tij me aktoren, prezantuesen dhe influencuesen Mariasole Pollio, pas mbërritjes në Torino.
Arsyeja? “Ai ka vendosur të fokusohet te futbolli dhe ekipi i ri”, – thotë revista italiane e gossip-it. Po cila është historia e dashurisë mes Vlahovic dhe Mariasole Pollio?
Sulmuesi serb, që u transferua në merkaton e janarit nga Fiorentina te “Zonja e Vjetër” për 70 milionë euro, nuk e zyrtarizoi asnjëherë lidhjen me Pollio.
Sidoqoftë, pak kohë më parë shkëmbyen zemra (emoji) në Instagram, çka nuk ka kaluar pa u vënë re. Para se të takohej me futbollistin 22-vjeçar, Pollio kaloi një kohë të shkurtër në lidhje me Deddy, këngëtarin e edicionit të fundit të “Amici”.
Disa muaj më parë, Mariasole postoi një bisedë në Whatsapp, ku shkruhej: “Ti tashmë ke një vend pranë meje. Unë mendoj për ju çdo ditë. Çfarë historie, historia jonë! Diamanti im!”
