Drama e tenistit serb, Novak Djokovic, në Australi, të cilit iu ndalua hyrja në këtë shtet, nuk ka të sosur, simpatizantë të tenistit serb kanë shkuar afër hotelit ku po qëndron dhe kanë kënduar këngë ultranacionaliste çetnike për Kosovën , përcjellë Gazeta Metro.
Ditë më parë autoritetet australiane ia pezulluan anuluan vizën dhe ia mohuan hyrjen në këtë shtet tenistit serb me arsyetimin se ai nuk ishte i vaksinuar kundër koronavirusit dhe më këtë i është vënë në rrezik pjesëmarrja në turneun e tenisit që zhvillohet në Australi, “Australian Open”.
Australia mund ta dëboj atë nga ky shtet për shkak të dështimit që të ofrojë prova të mjaftueshme sa i takon respektimit të rregullave kundër COVID-19.
Ndërsa nga ky vendim i shtetit australian ka pasur revoltim të simpatizantëve të tij, të cilët e kanë humbur edhe arsyen me veprimet e fundit.
Një grup të rinjsh i kanë shkuar tenistit serb afër hotelit ku po qëndron, ndërsa kanë kënduar këngë nacionaliste, duke përmendur edhe Kosovën . Njëri nga ta dëgjohet edhe duke përdorur gjuhë ofenduese.
Kjo është e çuditshme sepse Kosova nuk ka të bëj asgjë me ndalimin e tenistit serb për të hyrë në Australi./gazetametro.net
— Najma Sambul (@najsambul) January 6, 2022
