Kosova ka shënuar fitoren e dytë radhazi në kuadër të Nations League duke mposhtur Lituaninë, me rezultat 1-2.
Dy golat për Kosovën i shënuan Zhegrova dhe Krasniqi, shkruan Arbresh.info.
Pas ndeshjes, selektori, Franco Foda, tha se futbollistët e tij e merituan këtë fitore.
“Mendoj që kemi luajtur shumë mirë, kur kundërshtari shënoi për 2-1 gjërat u bënë më të komplikuara për ne, por me gjithë atë skuadra ka treguar një mentalitet shumë të mirë dhe me meritë kemi arritur një fitore e rëndësishme me shumë meritë që tregon për mentalitetin që e ka pasur ekipi”, tha Foda.
Tutje ai foli edhe për gjasat e Kosovës për të dal e para në grup.
“Edhe ne konferencën e kaluar për media e kam thënë se do të fokusohemi të marrim tre pikë nga ndeshje në ndeshje. Fokusi është tani tek ndeshje me Qipron në të cilën i kërkojnë tre pikë, po ashtu duhet të shohim se si po rrjedhin ndeshjet e Rumanisë, por për ne rëndësi është të marrim tri pikë ndeshje pas ndeshje, për të parë më pas bilancin përfundimtar”, shtoi trajneri gjerman.
Kosova ndeshjen e radhës e luan ndaj Qipros të martën me fillim nga ora 20:45 në stadiumin “Fadil Vokrri”./Arbresh.info
