Lojtarët e Kombëtare në tërësi po kalojnë momente të mira me skuadrat e tyre në Europë. Por ka dhe futbollistë që luajnë jashtë Europës, si në SHBA e Kanada, në Azi e deri në Australi. Është fakt që lojtarët shqiptarë prezentë në ligat e ndryshme kanë një gjeografi mjaft të përhapur. Madje lojtarë shqiptarë ka dhe në kampionatin e Koresë së Jugut, ku më shembullori është Jasir Asani, lojtar i përfaqësueses kuqezi. Ai ishte zgjedhje vendimtare e trajnerit Silvinjo në skuadrën përfaqësuese dhe prej momentit kur Silvinjo mori drejtimin e kuqezinjve, Asani është zgjedhje e parë e padiskutueshme dhe lojtar që i nis ndeshjet si titullar.
Trajneri është i “dashuruar” me lojtarin, të cilit i beson verbërisht në fushë. Dhe fakt është se lojtari e ka shpërblyer këtë besim, pasi ka shënuar gola me peshë e spektakolarë për Shqipërinë sidomos në fazën kualifikuese të Eurpianit të Gjermanisë, e golin e fundit e shënoi pak ditë më parë në duelin kundër Ukrainës. Por Asani nuk ka ndërmend të ndalet. Ai tani po shkëlqen edhe në Ligën e Kampioneve të Azisë, pasi atje merr pjesë me skuadrëne tij jugkoreane Guangju. Paraqitja e tij e fundit mori vëmendje të madhe sportive, pasi ai realizoi “Hat trick”, për më tepër në Champions League të Azisë.
Vëmendja e Asanit te Kombëtarja e Shqipërisë
Sulmuesi i Kombëtares shqiptare, Jasir Asani, ka shënuar tre gola dhe ka dhënë një asist kundër Jokohamas në ndeshjen e vlefshme për “Championsin” e Azisë. Kjo është tripleta e dytë në karrierë e Asanit me klubin e Guangjusë, pasi ka realizuar edhe një tjetër më herët, përkatësisht në mars të vitit 2023, ku Jasiri sapo kishte nisur aventurën në Korenë e Jugut dhe e kreu atë në ndeshjen kundër Incheon. Pas ndeshjes, ylli kuqezi u shpreh i lumtur. “Është ëndrra e çdo lojtari që të përfaqësojë vendin në arena të mëdha. Prandaj unë kam një ndjenjë përgjegjësie shumë herë më të madhe kur luaj për Kombëtaren time, te Shqipëria. Guangzhu kishte gjithashtu ndeshjen e parë historike. Këtë ndeshje fitorja erdhi nga të gjithë, jo vetëm nga mua, kemi punuar së bashku.
Forca ime është i gjithë grupi, të gjithë shokët e ekipit, duhet të vazhdojmë të luajmë kështu”, tha Asani. Shihet qartë se dobësia e futbollistit është përfaqësuesja kuqezi, ku ai jo vetëm dëshiron të lerë gjurmë me lojën dhe golat e tij, por synon ta ndihmojë maksimalisht ekipin të realizojë objektivin e pjesëmarrjes në Kupën e Botës të viotit 2026, një opbjektiv që e ka tashmë edhe Silvinjo e sidomos FSHF-ja. Shqipëria nuk ka marrrë pjesë asnjëherë në fazën finale të një Botërori, dhe nën drejtimine Silvinjos, për më tepër me këtë grup lojtarësh, mund të bëhet realitet kjo ëndërr.
Në tetor do të luhen dy takime, të dy në transfertë, ndaj Çekisë dhe Gjeorgjisë, dy ndeshje vendimtare për pozitat e skuadrës në grup në Ligën B të Kombeve. Me një Asani në formë të mirë sportive objektivat e ekipit janë më afër të realizueshmes dhe trajneri Silvinjo e di këtë. Edhe vetë Asani mendon se mund të jetë përcaktues, ndaj kërkon që të jetë në formë. Morali i lartë pas tregolëshit të shënuar në Championsin aziatik do ta ndihmojë edhe në Kombëtare.
